أعلن رجل الأعمال أحمد أبو هشيمة، تكفله بـ 2000 أسرة فى 11 قرية بـ 6 محافظات مصرية، للعمالة اليومية المتضررة من قرار البقاء فى المنزل ضمن الإجراءات الاحترازية لمواجهة فيروس كورونا، موجها الشكر إلى الرئيس السيسى والحكومة والبنك المركزى على قرارتهم خلال الإجراءات الاحترازية لمواجهة تلك الأزمة.
وقال أبو هشيمة من خلال فيديو بثه عبر حسابه بموقع انستجرام، "أنا عارف أن الظروف اللى بيمر بها العالم كله اليومين دول غريبة جدا وصعبة، وعارف كمان أن الشعب عنده طاقة كبيرة، وقعدته فى البيت صعبة، بس لازم نعرف حجم خطورة فيروس كورونا، وعلشان كده، أرجوكم خليكم فى البيت".
وتابع رجل الأعمال، "التزموا بكل قرارات الحكومة، وأوجه الشكر، للرئيس السيسي والحكومة والبنك المركزى، على قرارتهم الحكيمة سواء كانت اقتصادية أو صحية ، علشان نقدر إن شاء الله نعدى الأزمة دى على خير".
رجل الأعمال أحمد أبو هشيمة
وأضاف أبو هشيمة، "دلوقتى الدور علينا كلنا، أنا بدأت بنفسى وبفريقى، خففنا العمالة فى المجموعة كلها، وعقمنا كل شبر ممكن أى موظف يعدى عليه، علشان نقدر نحافظ على نفسنا وبلدنا، بس الأهم فى الوقت ده إن احنا نراعى الفئات اللى هتتأثر جدا الفترة ديه، وهى العمالة اليومية، الناس اللى بتشتغل اليوم بيومه، ومضطرة تنزل من بيتها فى الظروف دى، الدولة عملت اللى عليها وخصصت 100 مليار جنيه للتعامل مع الأزمة، واحنا كمان لازم نعمل اللى علينا".
أبو هشيمة
وأكد رجل الأعمال، "قررت بالتعاون مع جمعية الأورمان، أتكفل بـ 2000 أسرة فى 11 قرية بـ 6 محافظات مصرية، علشان مساعدة العمالة اليومية المتأثرة بالظروف، إن شاء الله من يوم السبت 28 مارس، الأسر ديه هيوصلهم كل اللى يكفيهم لمدة شهرين، من مواد غذائية ومبالغ مالية".
واستطرد أبو هشيمة، "الموضوع التانى اللى عاوز أكلمكم فيه، النهاردة كان المفروض يتفتح التقديم فى مسابقة المشروعات الناشئة، بس طبعا فى الظروف دى هيبقى صعب، وعلشان كده قررنا تأجيل فتح التقديم فى المسابقة للأسبوع الأول من شهر أبريل، وديه فرصة كويسة للشباب، إنهم يفكروا وهما فى البيت، ويستغلوا الوقت ده فى الابداع وتطوير مشاريعهم"، مضيفا: "تانى .. الدور عليكوا يا شباب وعلينا كلنا لحماية بلدنا".
تم أضافة تعليقك سوف يظهر بعد المراجعة