صورة جديدة للشهيد المنسى بملابس الإحرام وموقف جمعه بصديقة فى المدينة

بالتزامن مع عرض مسلسل الاختيار للنجم أمير كرارة، والذى يحكى قصة الشهيد الراحل أحمد المنسى، يكشف يوميا زملائه وأصدقاءه العديد من المواقف التي جمعتهم به، وكان آخر هذه المواقف ما ذكره صديق الشهيد المنسى الذى يتسم بالطيبة والسعى الدائم لرسم السعادة على وجوه من حوله.

 

وقال صديق الشهيد المنسى، عبر حسابه بموقع فيس بوك :" علي ذكر الحالة اللي عاملها مسلسل الاختيار مع غالبية الشعب المصري واللي مأثر بشكل كبير في الناس ميجيش طبعا حاجة في الواقع اللي حصل حقيقي في الأحداث".

 

وأشار:"و إحنا في الطيارة صورته الصورة دي وقعدنا طول الرحلة نحكي مكناش نعرف حد من الفوج اللي طالع المهم لقيته بيقولي نفسك في إيه لما نوصل مكة قولتله والله أنا آخر مرة جيت السعودية وانا في 2 ابتدائي نفسي أكل الكبسة بالمكسرات أوي و اللحمة بتاعته".

وأكمل:"قال لي خلاص ننزل هنعمل عمرة مع بعض وتاني يوم هاكلك كبسة قولتله لا خلاص خليك براحتك إحنا نعمل العمرة مع بعض طبعا وأنا هبقي أروح لأختي جدة ساعة زمن أعيش هناك معاها وأكل براحتي قال لي لا هناكل مع بعض ولازم أكلك اللي نفسك فيه وصلنا مكة قرب المغرب عملنا العمرة تاني يوم فعلا كلمني وعدي عليا في الاوضة في الفندق ونزلنا الحرم إتصورنا الصورة التانية وفعلا كلم حد صاحبه عايش في مكة جالنا بعربية منتهي الإحترام و الجدعنة".

وأضاف:"المنسي قال له وديني أجمد مطعم كبسة ومندي هنا بالفعل خدنا صاحبه بعربيته رحنا مطعم و قعدنا أكلنا إحنا التلاتة كان مطعم جميل وأكل جميل جدا وقعدنا نحكي يوم كامل وعرفني بيه قال له أخويا الصغير وعشرة طويلة بعدها قال لي خلاص كده تقدر تنطلق براحتك وكلمني لو عوزت أي حاجة أنا معاك و رحنا المدينة برضه قعدنا مع بعض شوية ورجعنا علي مصر وكانت رحلة جميلة و كرم من ربنا عليا بيها ربنا يكتبها لنا جميعا بحق الأيام المفترجة .- رحم الله الشهيد البطل و باقي إخواتنا الشهداء ."

مسلسل "الاختيار" بطولة أمير كرارة وأحمد العوضى ودينا فؤاد وسارة عادل وضياء عبد الخالق وعدد كبير من الفنانين وهم محمد امام آسر ياسين  ومحمد رجب واياد نصار وكريم محمود عبد العزيز وماجد المصرى وصلاح عبد الله وكريم عبد الخالق ومحمد عز  ومها نصار وآخرين وهو تأليف باهر دويدار وإخراج بيتر ميمى وإنتاج شركة سينرجى ويعد الأعمال المرتقبة بشدة في دراما رمضان هذا العام.

ويتناول مسلسل "الاختيار" حياة أحمد صابر المنسى - قائد الكتيبة ‏‏103 صاعقة - الذى استشهد فى كمين "مربع البرث"، بمدينة رفح ‏المصرية عام 2017، أثناء التصدى لهجوم إرهابى فى سيناء، ‏على أن يُظهر العمل العديد من الجوانب الاجتماعية والإنسانية ‏فى حياة البطل الراحل‎.