القارئ سنهابي الدسوقى يكتب: الفرق بين المواطن والمقيم

-      سمعت كتير الفترة اللي فاتت مصر فشلت في مواجهة كورونا وصدقت

-      طيب سألت نفسك مين اللي بيقول ده مين اللي بيكتب ده مين اللي بينشر ده

-      صدقت وخلاص

-      تعالى نقولك مين ده

-      ده مصري زيك مقيم في دولة عربية أو أجنبية أو أوروبية أو افريقية

-      وده معناه إيه؟

-      شوف الدولة اللي هو بيعمل فيها قالت له اقعد في بيتك مفيش شغل ومفيش مرتب أو فيه فميقدرش يخالف الأوامر

-      طيب ليه؟

-      لأنه عارف إنه هيسفروه في الحال -  لانه عارف انه ميقدرش يتكلم هيروح ورا الشمس

-      طيب هقولك قدر حتى يكتب انه الدولة دي نجحت

-      لا

-      طيب ليه

-      لانه ميقدرش يتكلم في اختصاصات الدولة هتقوله وانت مالك وتحاكمه وتسفره

-      كده كده التزم سواء بالغصب او بالرضا وطبعا ده ساعد الدولة في التحكم في كورونا

-      وبعدين الامكانيات وعدد السكان قليل

-      طيب نساك ايه - خلاك نسيت ان الدولة اللي هو مقيم فيها كان فيها اصابات اكثر من بلدك ووفيات برضه

-      طيب اقولك واوضحلك شويه

-      شفت في مصر السوريين اللي كانوا بيجوبوا الشوارع قبل كورونا شفتهم

-      طبعا لا التزموا وقعدوا في بيتوهم زي المصري المقيم بالدول العربية والاجنية 

-      طيب شفت اي مقيم خالف تعليمات مصر

-      لا طبعا

-      طيب شفت مقيم اتكلم على مصر او بلده

-      طبعا لا

-      يعني في الاخر

-      طلع المصري المقيم والمعارض لمصر ممنهج وعنده هدف وهو هدم الدولة ومؤسساتها ونشر الاكاذيب

-      ياريت تكون فهمت وخدت بالك

-      طيب هتقولي والمواطن المصري ماسمعش الكلام ليه وقعد في البيت

-      طيب ما انت مسمعتش

-      الدولة قالتلك اقعد في البيت وخد الراتب عادي خالفت وخرجت وما التزمتش

-      طيب ما انت لو تاجر رحت السوق واتحايلت على القانون وعملت سوق في الشوارع الجانبية

-      طيب الدولة خصصت ليك يوم للقبض ما التزمتش وكنت بتروح في اليوم المخالف

-      طيب ما الدولة قالت لك التباعد متر ونصف اتزاحمت وخانقت وما التزمتش

-      طيب  رحت ليه الملعب تلعب وقت الحظر

-      طيب رحت ليه القهوة وانت عارف انه غلط

-      طيب ليه لما اصبت بكورونا خبيت ومرضيتش تروح المستشفى وتتعالج

-      طيب ليه كنت بتزور وتعمل وليمة

-      طيب ليه عملت فرح وعقيقة وعزاء

-      عارف انت لو كنت مقيم في اي دولة والله ما كنت تقدر تعمل كده

-      عرفت ليه الدول الاخرى نجحت بمساعدة مين.. بمساعدة المقيمين اللي ما يقدروش يخالفوا القانون هناك

-      الفترة اللي جاية تسمع الكلام واتبع التعليمات والضوابط انت المسئول عن نفسك

-      وتحيا مصر بيد المخلصين الوطنيين الاوفياء .