كشف الموسيقار هانى مهنا، كواليس جديدة عن فترة تواجده بالسجن مع علاء وجمال مبارك وحبيب العادلي، قائلًا إنه بعد دخوله السجن، فوجئ بعلاء وجمال مبارك، ولم يتوقعهما معه.
وأضاف هانى مهنا خلال حواره على تلفزيون اليوم السابع،: "لما دخلت السجن، لقيت شنطة ملابس.. وخلعت بدلة النزلاء.. بعتهالى مأمور المعادى.. وفوجئت بعلاء وجمال مبارك بيسلموا عليا.. وبعدهم اللواء حبيب العادلى، وقعدنا فى حديقة صغيرة جنب جامع السجن، وبعد لقائى معاهم لقيتهم بعتولى شاشة تلفزيون، وجمال جابلي فلاشة، واللى جابلي تلاجة".
وعن ثورة 25 يناير، قال: "منزلتش ثورة يناير عن قصد، ومكنتش مقتنع، ميولي السياسة ليست ضد مبارك أو أولاده، وانتقادى له في جانب الفن ".
وأشار إلى أنه كان يجلس كثيرًا مع جمال مبارك وعلاء، قائلًا:"كنا بنلعب ونتسلى.. وقولت له أنت متهم بالتوريث، قال لى توريث إيه؟.. والله العظيم مفكرتش لحظة في الموضوع ده.. أنا بشوف أبويا كل يوم بيموت.. ومش بينام ولا بياكل ومتعكر المزاج، وأنا مش غبي، دا كرسى الموت، ومش أى حد يقود مصر.. وبشوف أبويا وأمي بيحترقوا بسبب الكرسى.. مينفعش أدخل الكهف دا، عشان مش هعرف أخرج منه".
وواصل:" جمال وعلاء مبارك لم يغضبا من تصريحاتى عن والدهم، ومن كتر أدبهم كنت بحس إنهم بيدرسولى، ويقولوا ليا يافندم".
تم أضافة تعليقك سوف يظهر بعد المراجعة