وجهت المطربة والفنانة المصرية الإيطالية لارا إسكندر الشكر لكل من شاركوها في افتتاح طريق الكباش الأسطورى، الذى شهدته محافظة الأقصر خلال الأيام الماضية، وكتبت لارا إسكندر بوست عبر حسابها الشخصى بموقع إنستجرام، قائلة: "مرت الأيام وأنا لسه متأثرة بالحدث العظيم، أشعر بسعادة تامة ومش مصدقة كل اللى حصل، اسمحوا لى مرة كمان أشكر كل واحد اشترك معايا من البداية للنهاية، لكل واحد منهم عايزة أقول له أنت البطل الحقيقي لهذه الليلة".
وأضافت لارا: "أنا فخورة إنى خليت كل واحد في بلدي فخور بهذا العمل، كان دائما عندي صراع علشان أثبت قد إيه أنا مصرية، لأن لغتي العربية كانت ضعيفة بالنسبة لواحدة مصرية، وفي ليلة الاحتفال أخذت فرصتى إنى أثبت إنى مصرية على طريقتى، ممكن يكون فيه زيى بنات عندهم نفس المشكلة بس فى الآخر احنا برضه مصريين أوي، حبى ووفائي لبلدى خلونى فخورة بمصريتى، أشكر كل واحد سمح لى أن أدخل بيته وقلبه، بحبكم".
لارا إسكندر مع محمد حماقى
وتألقت الفنانة لارا إسكندر فى الغناء باللغة الإنجليزية والفرنسية، فى حفل افتتاح طريق الكباش، وذلك بحضور الرئيس عبد الفتاح السيسى والسيدة قرينته.
وتقول كلمات الأغنية: "أساطير فى المدى بتحلق من الأرض للسما، حكولى على كنوز ولا فى الأحلام، مفيش منها اتنين، النور جابنا هنا، وهنا لما فتحت عينيه شفت الأقصر، عندنا إيمان بحلمنا ومصدقينه، مهما دورنا ولفينا، طريقى بيرجعنى تانى ليكى، وفى وادى الملوك هنا دايما بحس إنى اكتفيت، كل ركن وراه تاريخ محفوظ وكأن الأحلام ممكن تتحقق، الأقصر مهد الحياة".
لارا إسكندر وحماقى فى الكواليس
لارا إسكندر ومحمد حماقى
لارا إسكندر
لارا إسكندر فى الكواليس
