"كان عندى كابوس لمدة 50 يوما.. هكذا تحدثت الإعلامية رضوى الشربينى فى أول ظهور لها ببرنامجها "هى وبس" بعد وفاة والدتها التى رحلت مطلع مارس الماضى متأثرة بإصابتها بفيروس كورونا.
وانهارت رضوى على الهواء ودخلت فى حالة بكاء حادة ما أثار تعاطف عدد كبير من مستخدمى منصات التواصل الاجتماعى، وقالت: "مش قادرة ومش عاوزة أتكلم عن تفاصيل الكابوس دلوقتى كان لازم نطلع لأن عندنا رسالة".
تحدثت باكية: لازم أطلع عشان أنا هى هى نفس الست اللى قعدت 5 سنين تقولكم إن مع العسر يسرا، وأضافت: اختبار صعب.. والحياة امتحان صممت إنى أطلع.. عشان زى ما بشجعك أنا كمان بشجعنى ووجهت الشكر لمن دعمها، واختتمت: "إحنا بشر وكل واحد بيحصل له حاجات لازم يصبر عليها ويستحملها حتى لو كان العقل مش مستوعبها والقلب مش مستحملها".
تم أضافة تعليقك سوف يظهر بعد المراجعة