تغطية جديدة من تليفزيون "اليوم السابع" من تقديم شروق وجدى حول تفاعل رواد مواقع التواصل الاجتماعي مع تسريب صوتي منسوب إلى حسين حبيب والد حسام حبيب، وورد فيه تخطيطه لتزويج نجله حسام من أخرى، ولذلك من أجل الإنجاب إضافة إلى التلميح بأن والدة حسام حبيب لا تحب شيرين وتعتبرها من طبقة مختلفة عن الطبقة التي تنتمي لها وغيرها من الأمور الشخصية.
فيما حرصت النجمة شيرين عبد الوهاب، على الرد بقوة في تسجيل صوتى على التسريبات التى نشرتها إحدى الصحف اللبنانية لوالد زوجها الفنان حسام حبيب، وهو يتحدث عن حياة نجله الشخصية.
وقالت في الجزء الأول من التسجيل التي نشرته عبر حسابها على تويتر، قائلة: "عاوزة أطمن كل الناس على صحتى أنا كويسة وحسام زوجى إنسان من أنضف رجالة الدنيا ومتربى وبيحبنى أكتر من نفسى وميستهلش منكم كم القساوة دى عشان أنتوا متعرفهوش، هو بنالى شخصيتى ورجعلى ثقتى بنفسى لما كنت مدمرة وحسام بيحبنى أنا وبناتى ومن ساعات متجوزنى معملش أي حاجة، الست حماتى اللى ربت راجل ست عظيمة وأدعو ليا أنا وحسام بالذرية الصالحة وحسام نقى ونظيف".
وتابعت فى الجزء الثانى من التسجيل: "الفيزا بتاعتى مش معاه وكل الكلام مش مظبوط لأنى كلى كده بتاعته زوجى راجل من عيلة وعيلة محترمة أوى ومقبلش أن حد يكلم عليه كده ولا هو ولا والدته وحسام راجل مفيش زيه بقالنا 4 سنوات متجوزين ولو كان عاوز يستفيد منى كان عامل أغنية سينجل وكل الناس بتختلف وبتتخانق عادى وحسام بيحبنى وحاسة معاه بالأمان كفاية أنه طلع من حياتى كل الناس اللى بتستغلنى وطلع كل الثعابين والحاجات الفاسدة".
كانت حالة كبيرة من الدعم تلقتها النجمة شيرين عبد الوهاب، بعد الساعات اللي فاتت واللي حصل فيها واقعة التسريب الصوتي، وتصدر هاشتاج "كلنا شيرين"، ترند تويتر في مصر، بعد ساعات من طبعاً من انتشار التسريب الصوتي المُسجل على السوشيال ميديا، وكان فيه تفاعل كبير جداً مع الهاشتاج من كل اللي بيحبوا شيرين.
ودخل نجوم الفن على الخط عشان يدعموا شيرين عبد الوهاب، ووجهت النجمة اللبنانية نوال الزغبى، رسالة دعم للفنانة شيرين عبد الوهاب، بعد التسريب الصوتي المنسوب لوالد زوجها حسام حبيب، وقالت على حسابها الشخصي بموقع "تويتر": "كلنا شيرين عبد الوهاب، الفن الأصيل، والقلب الأبيض، بتبقي الحياة الحلوة، بنحبك كتير، والله دائماً معك".
