"كان لازم أكمل الحياة بعد وفاة زوجى الذي توفي منذ عشر سنوات وكافحت واشتغلت كتير في عدة أماكن كى أواصل الحياة وأقدر أعلم ولادى وأربيهم تربية كويسة عشان الشغل مش عيب، وبعد فترة حاولت أشوف شغل يناسب ظروفى وعملت عربية كبدة ببيع فيها سندوتشات كل يوم وبقف زى الراجل وكل اللي بيشوفنى بيشجعنى وبيقولولي أنتى ست بـ 100 راجل" هكذا بدأت الحاجة فاطمة تروي حكايتها مع عربية الكبدة بعد وفاة زوجها .
وقالت لـ"اليوم السابع" "كان ابنى عنده عربية صغيرة ففكرنا نحولها مشروع وبالفعل قمنا بتحويلها عربة كبدة وبشتغل بعرق جبينى عشان مش عاوزه أحتاج لأي حد، وربنا قدرنى علي تربية ولادى وكملوا دراستهم واتخرجوا، وهما فخورين بى وبيساعدونى أوقات فراغهم".
وأضافت الحاجة فاطمة: "قبل وفاة زوجى كنت بشتغل لكن الظروف اتغيرت وكان لازم أكون قد الحياة وأعافر وأسعى علي رزقي ورزق ولادى، ويومى في الشغل بيبدأ من المغرب بنزل السوق اشتري الطلبات والخضار وأرجع علي العربية أعمل السندوتشات وأبيعها وراضية باللي ربنا يرزقنا به".
تم أضافة تعليقك سوف يظهر بعد المراجعة