حزن وصراخ وبكاء هيستيرى خيم على أهالى قرية ميت عنتر بالدقهلية بعد العثور على جثة المهندس أحمد عاطف بعد 11 يوما على اختفائه منذ خروجه يوم ولادة زوجته لتدبير تكاليف الولادة.
خلال هذه الأيام وجهت زوجة المهندس عدة رسائل له على السوشيال ميديا أملا فى عودته كان آخرها قبل ساعات من العثور عليه، فكتبت دعاء عبد العزيز لزوجها: 11 يوم نفسى حد يطمنى أنت عامل أيه نفسى أشوفك وتشوف "كنان" و"سليم" بكره هاستلم شهادة ميلاده وامبارح كان سبوعه كنان مع كل اتصال يقولى بابا بيرن يارب ارحمنى برحمتك ورجعهولى ورجعه لولاده وأهله لو كان اختبار فأنا مش قادرة أتحمل ارجع عشان سليم ميرضعش نكد وهم وحزن من كتر عياطى.
وبعد ساعات من رسائلها استدعى رجال الأمن أسرة المهندس للتعرف على جثمانه الذى عثر عليه وتطابق مع أوصافه فى النيل أسفل كوبرى المنصورة.
وأمام المسجد فى القرية تجمع المئات من الأهالى فى جنازة مهيبة لتشييع الجثمان وأمرت النيابة العامة بسرعة التحريات لضبط الجانى.
تم أضافة تعليقك سوف يظهر بعد المراجعة