تناولت حلقة اليوم من برنامج "صندوق محسوب"، والذى يقدمه الزميل محمد محسوب، قصة "عم سلامة" والذي تحدث عن حياته الشخصية ومأساته بعد تعرضه لإصابة قوية أثرت عليه فى العمل.
وقال "عم سلامة"، إنه كان يعمل "صنايعي ألومنيا" منذ 35 عاماً إلا أنه تعرض لحادث أثناء العمل وسقط على يده ثقل وزنه طن كامل فأصابه بإعاقة وأدى إلى بتر أصابع من يده".
وأضاف أن صاحب العمل تخلى عنه بعد هذا الحادث وترك العمل، مشيرا إلى أن زوجته طلبت منه الطلاق وقالت نصاً: "مش هعيش مع واحد معاق ملوش إيد، أهلى والناس يعايروني بيك"، متابعاً: "طلقتها وخدت بنتي الوحيدة معاها وفضلت 15 سنة عازب مفيش زوجة راضية بيا علشان أنا معاق ومليش إيد".
وتابع: "كمان قعدت 7 سنين أدور على شغل محدش راضي يشغلني كرهت حياتي، بعد ما كنت صنايعي قد الدنيا بسبب صاحب مصنع قليل الضمير أخسر إيدى ومهنتي وشغلي وأبقى مش لاقي أكل".
وقال: "أخويا كان بيصرف عليا وأنا رافض دا، لحد ما ربني كرمني وبدات أبيع عيش وبعدها بدأت أبيع أنابيب والحمد لله اتجوزت وربنا كرمني بأولاد تاني".
في سياق متصل، تابع: "أنا تعبان ومش قادر اشتغل وولادي محتاجين مصاريف، أنا 58 سنة وقطع إيدي عجزني وروحت أصرف معاش لقيت عليا 60 ألف جنيه تأمينات لازم أدفعهم الأول علشان أخد تأمين .. أجيب فلوس منين دا أنا مش بعرف أجمع 100 جنيه؟".
برنامج صندوق محسوب يقدمه الزميل محمد محسوب علي تليفزيون اليوم السابع ويتناول العديد من القصص من الشارع المصري ، ويسلط الضوء علي الحالات والأشخاص المفردة في مجالات بيعنها ويضعهم في بؤرة الاهتمام.
