تطرق الحاج لطفى العنانى، أحد المغنين الشعبيين أثناء استضافته ببرنامج صاحبة السعادة مع إسعاد يونس إلى بداياته قائلا: أنا من المحلة الكبرى، بأغنى من أكتر من 50 سنة، ومشوارى في الأول كان صعبا جدا، لأني بجانب الكبار اللي زي خضر محمد خضر، ومحمد طه، كان فيه فنانين زي على أدهم، اللى كان بياخدني ليلة مياخدنيش بعدها لأني كنت باخد الصيت منه، إلى أن لاقيت الحاج يوسف شتا جايلى وقال لى باللفظ (ولا) أنا أول مرة أروح لحد اللى بعوزه بكلمه عايزك معايا".
وأضاف: "كملنا سوا بمنتهى الإخلاص، والراجل ده هو السبب في كل اللى وصلتله، وحزنت جدا عليه لما توفى"، ثم تطرق بعدها إلى ما يسمى (الموال الأحمر) في الغناء قائلاً: "في حاجة كده زي الهجاء بنعملها بس في حدود الأدب على شخص مثلاً، سواء بتفنيد خصلة فيه من بخل أو افتراء وما إلى ذلك من صفات".
الحاج لطفى العنانى
كما تطرقت إسعاد يونس في بداية الحلقة إلى أهمية الدلتا وتقديمها لونا ثقافيا مميزا في الغناء وعالم الفن بصفة خاصة، مؤكدة أنها حينما كانت في الإذاعة قديما استضافت زكريا الحجاوى، رائد الغناء الشعبى، وهو اللى جاب الريس حفنى ومتقال ومحمد طه وخضرا، وغيرهم من الأسماء الكبيرة للغناء الشعبى اللى مثلت مصر كمان برا في الوقت ده، خاصة أنه بعد 1952 كان هناك توجه للمهمشين قبل كده من عمال وفلاحين، وبالتالي الأصوات دي كانت بتمثلها.
وتستضيف الفنانة إسعاد يونس في برنامجها "صاحبة السعادة" عددا من مطربي الأغاني الشعبية والتراثية في الدلتا، وذلك يومي الإثنين والثلاثاء الساعة الحادية عشرة مساء، عبر شاشة قناة Dmc.
تم أضافة تعليقك سوف يظهر بعد المراجعة