عرض الإعلامي رامي رضوان، تقريرا عن سيدة تُدعى "سهير"، انفصلت عن زوجها منذ 12 عاماً وتحملت بمفردها مسئولية تربية 4 أبناء في أعمار متفاوتة وهي في مقتبل عمرها، وبدأت تلك الرحلة بالتنقل من عمل لأخر، حتى استقر بها الوضع لبيع الخضروات في حلوان، وتمكنت لتثبت نفسها بين كبار التجار في السوق، حتى بات الجميع يعرفها ويدعمها.
وقالت "سهير" خلال تقرير أذيع ببرنامج "مساء dmc"، الذي يذاع على قناة "dmc": "أنا اسمى سهير أبو زيد فرج، من البدرشين، مطلقة من 12 سنة، اشتغلت حاجات كتير أوي علشان أصرف على أولادي، وأنا عندي 4 أولاد، بقالي 6 سنين ببيع خضار، وفي المنشية بس بقالي 8 شهور، اشتغلت في شركة ملابس جاهزة وبعدها اشتغلت في مدرسة، بس حبيت أغير شغلي واشتغلت في الخضار، أنا نفسي أقابل الرئيس السيسي لأنه عملنا كل حاجة حلوة، ونفسي في شقة أنا وأولادي".
وأضافت: "في الأول أخدت مبلغ صغير، وبدأت بكميات قليلة، 5 كيلو طماطم على 5 كيلو خضار وحاجات بسيطة، كملت ولاقيت نفسي بدأت بـ200 جنيه وكل يوم بقيت أوسع واشتغلت وبقى ليا زباين، وكل الناس بتشتري مني، أنا بتعامل بضمير مع الناس وميزاني مظبوط وبجيب أحلى فاكهة وأحلى خضار، وبقول لأي ست تتجرأ وتشتغل، أنا دلوقتي بمشي في الشارع زي الراجل".
