قال الفنان محمد أنور، إنه لم يعمل من قبل مع الفنان عادل إمام، ولكن كل فصل صيف خلال الفترة الماضية كان يجلس عنده بشكل دائم، وعلاقته به قوية.
وأضاف خلال لقائه مع الفنان أحمد فهمى ببرنامج "أحلى كلام" الذى يذاع على قناة الحياة: "العلاقة بدأت غريبة شوية، هو كلم محمد إمام وقاله فى عيل من العيال بتاعت مسرح مصر دول عمل بورسعيدى فى رمضان حلو أوى، فمحمد إمام افتكر إنه قصده على حمدى الميرغنى، فكلمه قاله الزعيم بيحبك ومعجب بشغلك، وأول ما قفل حمدى قالى أنا دلوقتى وضعى مختلف بعد المكالمة دى، الزعيم بيتابعنى وبيتفرج عليا، وبيقولى هتعرف تشتغل معايا ولا نجيب حد تاني".
وقال: "قولت لحمدى وقتها، ده أنا يلا، قالى يلا إيه أنا الزعيم بيشوف شغلى، عدى أسبوع وسافرنا الساحل، جينا فى الفترة دى، الزعيم فتح تانى الموضوع مع محمد إمام، وقتها الزعيم قاله أنا قصدى على الطويل الأبيضانى، وكان قصده عليا، حمدى الميرغنى كان عرف، روحت كسرت عليه باب الشاليه قولتله الزعيم بيحبنى أنا".
وتابع: "كل مرة بسمع صوت الزعيم عادل إمام فى التلفون بتخض نفس الخضة، مرة كلمنى فى كواليس مسلسل كنت فيه مع محمد إمام، أول ما محمد إمام قالى خد كلم الزعيم عاوزك مسكت التلفون وقومت وقفت".
وقال: "بالنسبة للكدب، كلنا بنكدب، والبخل برضه نفس القصة أحيانا بيكون موجود، لكن أنا مش بطيق الدم التقيل، وأنا كنت علمى ومش عارف نجحت فيها إزاى بس كنت مش شاطر فى الفيزيا".
