قالت محروسة سالم، سيدة التروسيكل إنها سعيدة للغاية بعد استجابة الرئيس السيسى لمطالبها، متابعة : "لحد دلوقتى مش مصدقة إن الرئيس كلمنى، ولادى بينططوا حوليا من الفرحة وبشكركم لإنكم كنتوا من أول الناس اللى سجلتوا معايا ووصلتوا صوتي".
وأضافت فى مداخلة هاتفية عبر تليفزيون اليوم السابع، أنا اشتغلت كل حاجة دليفلرى وتابع وكل حاجة الحمد لله علشان أصرف على البيت، و كنت محتاجة مكالمة الرئيس السيسى دى أوى علشان أحس إنى لسه عايشة".
وكانت محروسة سالم قد حلت ضيفة فى برنامج صندوق محسوب الذى يقدمه الزميل محمد محسوب على تليفزيون اليوم السابع وحكت مشكلاتها ومعاناتها مع المرض ومرض زوجها.
وتحدثت خلال حوارها، مشيرة إلى أن اسمها محروسة سالم، ومن ذوى الإعاقة، وزوجها كان يعانى مشاكل صحية كثيرة، ويعانى من الغيبوبة، ومن هنا اضطرت للعمل، مستطردة :"أول شغلانة كانت تباعه على عربية، ولقيت الناس بتربت على كتفى".
وتابعت قائلة:"خلال إحدى العزومات، قمت بتجهيز الأكل للضيوف، ومن بعدها، فوجئت بالناس يطلبون منى أكل ديليفري".
وأشارت إلى أنها هى من تقوم بالإنفاق على الأسرة، وتعمل كأم وأب وزوجة، مستطردة:" زوجى أصبح ابنى الكبير، وكفاية حبه ليا.. وربنا يرجعه لكامل صحته.. ومش هنسى إنه فى كامل صحته تزوج بيا وأنا فى حالتي"، معربة عن أملها فى زيارة بيت الله الحرام.
تم أضافة تعليقك سوف يظهر بعد المراجعة