عيد الحب من الأيام التي يتم فيها تبادل الهدايا ما بين المرتبطين سواء كانوا متزوجين أو في مرحلة الخطوبة، لذا تواصل "اليوم السابع" مع بعض الفتيات وكشفن أغرب الهدايا التي قدمها لهم شريك الحياة الحالي أو المستقبلي، والتي كانت بعيدة تمامًا عن الهدايا الرومانسية التقليدية من ورود أو دمى محشوة لطيفة.
خزين البيت
خزين البيت
قالت هدي مصطفي لـ اليوم السابع: من سنة كدا خطيبي جاب لنا زيارة كبيرة جدًا كانت فيها كل خزين المطبخ ، في الأول كنت فاكرة إنها زيارة للبيت عادي، فضلت منتظرة أنه يطلعلي الهدايا بتاعتي، لكن اتضح لي أن الهدايا أرز وقلقاس وجزر، بيض و لحمة وملح وبصل وكل حاجة ممكن نحتاجها في المطبخ.
مبحبش الورد جاب لي بيض للرجيم
وتقول ميادة:" خطيبي جاب لنا السنة اللي فاتت بيض، لما سألته قالي علشان عارف أن عاملة رجيم البيض مفيد جدًا في النظام الغذائي، السنة دي مش عارفة ممكن يجب ليا أيه، أنا من بعدها بطلت أعمل رجيم ، يمكن يجيب لي وجبة من أي مكان أصلا أنا وهو بنحب الأكل وهو على علم أني مش بحب الورد".
بوتاجاز
وتقول أسماء عمارة:" جوزي جاب لي أيام الخطوبة بوتاجاز، أكد أنه للجهاز في حين أن أجهزة المطبخ كانت عليا أنا ، لكن الصراحة كانت مفاجأة حلوة جدًا، بعد الجواز، مش بيشتري غير أجهزة كهربائية مرة خلاط السنة دي منتظرة الديب فريزر .
شيبسي
شيبسي
وتقول أسماء أحمد:" كنت مخطوبة وخطيبي جاب لينا بطاطس شيبسي ومشروبات غازية من اردأ نوع في السوق، بعدها سبته وفسخت الخطوبة، لأنه ماكانش أول موقف لكن كل المواقف اللي حصلت أكدت أنه شخص بخيل.
أغرب الهدايا في عيد الحب
