أكد الشيخ خالد الجندي، عضو المجلس الأعلى للشئون الاسلامية، أن الاقبال الكبير على معرض الكتاب دليل على أن الناس متعطشة للقراءة وشعرت أن الكتاب هو أعظم شيء في حياة الانسان، قائلا: "ممكن تواجه كل أزماتك عن طريق المعرفة والعلم والتنوير".
وأضاف الشيخ خالد الجندي، في كلمة ببرنامج "لعلهم يفقهون"، على قناة dmc، أن الكتاب يعني أنك تسترد حريتك وأن لا يضحك عليك أحد أو يخدعك، متابعا: "الكتاب يخليك محدش يضحك عليك ويخدعك ولا يبقى واصي على مخك وعقلك، وأن ميكونش في حد اعلم منك وأنت اللي تختار وتفكر وانت اللي تشوف وتقييم الآراء الغلط والصح".
وتابع: "اعتقد أن أعظم فعاليات تحدث على أرض مصر هو معرض الكتاب، ومعرض الكتاب هو اعظم الفعاليات اللي الحقيقة تبين هوية الشعب المصري والشعب ميتخفش عليه، وأجمل تعليق سمعته لما شاف العدد ده وحصل له صدمة ثقافية قال عشان كده الشعب ده منضحكش عليه في السنة اللي مضت على مصر وكانت سنة كبيسة وحصل فيها اختطاف الوطن والشعب مثقف وعنده وعي".
واستكمل: "الثقافة والوعي أمر تاني والشعب ده يقبل التحدي وكان المنتظر تلاقي المعرض فاضي بسبب غلاء الأسعار والازمة العالمية ولكن في طوابير وزحام أمام البوابات ومفيش موضع لقدم، وفوجئنا بالشعب بيوفر فلوسه هو وأولاده لكتاب وبقى من العار أنك متخدش ولادك وتروح المعرض حتى لو تتفرج".
