قالت الفنانة نيللي كريم: نضطر نرتدى القناع في أوقات معينة، ولكنى أفضل عدم ارتدائه، موضحة أنها ترتدى قناع الصمت عندما تضطر لذلك، معلقة: "بحب أكون مع نفسي، وإنك تستحمل وتفضل صامت ومكمل دي قوة".
وأضافت خلال لقائها ببرنامج "أنا والقناع"، عبر قناة الحياة، مع الإعلامية منى عبد الوهاب: "أي حاجة تخص عيلتي بكون حريصة، وحساسة أكتر ناحية عيلتي، اتجوزت وعمري 17 سنة، ودا في سن صغير، كنت بدور على الاستقرار والأمان بعد وفاة والدي"، مردفة:"كنت عايشة فترة كبيرة برة مصر، ورجعت كنت بدرس ثانوية عامة ومكنش لي أصحاب، وأنا أساسا من الإسكندرية، ولما رحت القاهرة بحس بعالم تاني ودوشة، حاسة بتنقلات كتيرة في فترة قصيرة وأكيد أثر علي".
وتابعت نيللي كريم: "مامتي كانت قاعدة معايا في البيت وكلنا بنقول لها يا ماما، وابني كان فاهم إني أخته ودي مامته، مشيرة إلى أن "حد شمعاه كتالوج للتعامل ع الراجل ولو موجود هيتحط في المتحف، ومحدش معاه الكتالوج بتاعي".
تم أضافة تعليقك سوف يظهر بعد المراجعة