أحمد الغرباوى يكتب: ولسّه بتسألى إزّاى بَحبّك.. أكتر..؟

ولسّه بتسألى
إزّاى بحبَك
أكتر..!

دا مَرار الحـِرمان
اللى فِ بحر الشوق
جَفّ يا حبيبى شَهــد
مِكرّر..!

عناقيد عنب اتفرطــت
حبّات من نينى عينيك
مَرمر..!

,,,,,
مش عارف
هوا حبّك اللى خللا قلبى
واللا قلبى نَملة بتزحف
وحُــبّك قِطعــة
سُــكّر..!

واللا حبّى نَحــلة
وحبّك عسل خليّة
يا ملكة على غُـصن
بالعشق.. مورق و
مِتخضّر..!

وورق الورد
ببوسها.. والله يـ
تغـندر..!

مَذبوح فِ صدرى
بين ضلوعى روحى
تجــرى وتدمــى
يِغـسل عينى قبل مَا شُوفك
ودموعى فِ جسدى تــ
تبعتر..!
,,,,
ولسّه بتسألى
إزّاى بحبّك
أكتر..؟

وإنتى اللى سابقانى
ولموضع سَجدى واخدانى
كلّ ما أرفع إيدى وأتمتم
أدعو.. الله
أكبر..!


بسّ ربى يغـفر لى
سِرقة روحى مِنّى
لأنها بروحك يا حبيبى
والله..
والله عايزة تــ
تستر..!
,,,,,
ولسّه بتسألى
إزّاى بحبّك
أكتر..؟

,,,,
ولسّه بتسألى
إزّاى بحبّك
أكتر..؟

ألف ألف عـام..
وقلبى شايل (عشق روحى)..
عايزة تهرب غصب عنى..
وبريح أقوى منّى..
رماه الربّ..
فأمطرت حبّى
وما أنا اللى بقضا ربى
يكفر..!

ولا أنا على رزقى
أتبتّر..!
,,,,,,
ولسّه بتسألى
إزّاى بحبّك
أكتر..؟

ياريت.. يا حبيبى
ياريت أنام وأصَحى
لا أحبّك.. لا أحبّك
زىّ ما بَحبّك
أكتر..!

ياريت.. ياريت يارب
أقدر..؟
,,,,,

ولسّه بتسألى
إزّاى بحبّك
أكتر..؟

وحبّى سرّ الله الأعظم
عشق روح أجلّ و
أطهر..!
وأرقى من حروف
تُذكر..!

ياريت.. ياريت يارب
أقدر..؟
*******