طرحت وزيرة الصحة الفرنسية، ماريسول توران، برنامجا جديدا لمكافحة سرطان الثدى فى فرنسا، أكثر أنواع السرطانات انتشارا فى فرنسا، حيث يودى بحياة 12 ألف سيدة سنويا.
ويدعو البرنامج الصحى الجديد - الذى طرحته الوزيرة مؤخرا - النساء اللاتى تتراوح أعمارهن بين 50 -74 عاما بعمل "ماموجراف" كل عامين لاكتشاف الأورام السرطانية، وكل عام بالنسبة للمرأة التى لديها خطورة متزايدة لتكوين هذه الأورام، خاصة فى حالة وجود أى مصابة بسرطان الثدى فى الأسرة.
كما يتضمن البرنامج الكشف المبكر على السيدات اللاتى بلغن 25 عاما، ليس فقط لسرطان الثدى لكن لكل أنواع السرطان للوقاية، وسوف يطبق ذلك بداية من أول يناير 2018.
عدد الردود 0
بواسطة:
بنت مصرية
الأهم !!
سرطان الثدى منتشر بشكل كبير وفى كافة الفئات العمرية للأسف , بقى فيه مراهقات بيصابوا بسرطان الثدى بسبب نظم التغذية اللى بتعمل خلل فى الهرمونات , وكتر الكلام عن سرطان الثدى خصوصا خلى فيه وعى كبير من الفتيات والسيدات عن المرض وبقى فيه شبه فوبيا سرطان ثدى عند اغلب الستات خصوصا فوق الأربعين , انما المشكلة الأكبر عندنا واللى محدش واخد باله منها خالص , خاصة بعد سن الخمسين هى سرطانات المهبل والرحم والمبايض , وليه بقول ان خطورة الموضوع ده فى سن ما بعد الخمسين ؟ لأن دى سن انقطاع الدورة عند اغلب الستات , والست المصرية مع انقطاع الدورة بتنقطع علاقتها بطبيب النساء تماما , وكأن جهازها التناسلى بيتم استئصاله من جسمها مثلا طالما الدورة انقطعت !! ونادر جدا لما نلاقى ست بعد الخمسين بتروح لطبيب نسا , مع ان الجهاز التناسلى للمرأة بيفضل موجود فى جسمها عادى جدا حتى لو الدورة انقطعت , وبالعكس تعرضه للمرض بعد انقطاع الدورة بيكون اعلى منه قبل انقطاعها , وبالتالى لازم كل امرأة تعمل فحص سنوى يشمل فحص الجهاز التناسلى تحسبا لظهور اورام , وطبعا ده بيكون ادعى انه يحصل لو ظهرت على المرأة اعراض مرضية , زى البقع الدموية , الام اسفل البطن او اسفل الظهر , يعنى انا بشوف ستات كبار بيشتكوا من الام اسفل الظهر فيروحوا لطبيب العظام والعمود الفقرى , فيستغربوا جداا لما طبيب العظام ده يقولهم روحوا لدكتور نسا ويعتبروا انه راجل بيخرف , وتقولك وانا هعمل ايه بدكتور النسا دى الدورة قطعتنى من عشر سنين , طيب يا حاجة ماهو الرحم لسه موجود يعنى مسابش جسمك وراح فى حتة تانية مثلا !! ايه المشكلة ان الرحم ده يكون فيه مشكلة هى اللى عاملالك ألم ضهرك , فيا ريت نهتم بأورام الجهاز التناسلى زى ما بنهتم بسرطان الثدى لأنها مشكلة مهملة فى السن الكبير ومفيش توعية بيها .