قال الرئيس عبد الفتاح السيسي، "أنا عارف أن المصريين بيعانوا بس يارب يكون اللى أحنا هانعمله ثمن معانتنا فيه حقيقى، يا ترى بلدنا مصر ماتستحقش مننا أننا نستحمل شوية علشان نشيل صور العشوائيات من حياتنا".
وأضاف الرئيس السيسي فى كلمته خلال افتتاح عدد من المشروعات القومية بمحافظة دمياط، قائلًا "التحول إلى الأفضل ليس أمرًا بسيطًا، ولكن لا يصح أن نترك سكان المناطق العشوائية دون تحسين أحوالهم، أحنا بنغير علشان ناس ظروفها صعبة، وبنقولهم أن أحنا كلنا معاكو، ومش هانسيبكم تعيشوا هنا، ومش هانسيب أطفالنا يطلعوا كدة".
وتابع : "الأمور ليست بالبساطة التى تعتقدونها فى تغيير حياة شعب مصر إلى الأفضل، وفيه معاناة لازم ندفعها، طيب هانفضل نسيب نفسنا كدة، وتفضل حياتنا وحياة ولادنا كدة؟، لأ مش هاينفع، لأن ده مايصحش وماينفعش، ومانعش بقى لما نسيب بلدنا بالطريقة دى، ويقولولى خالى بالك الناس كدة مش هاتحبك، مايجراش حاجة بس ماتبقاش كدة، وكدة الشعبية هاتقل مايجراش حاجة، بس مش هانبقى كدة، لا يمكن طول ما أنا موجود مكانى والله ماسيب الناس كدة أبدًا".
وجه الرئيس عبد الفتاح السيسي، الدكتور مصطفى مدبولى وزير الإسكان، لتلبية طلبات أى مواطن يحتاج إلى وحدة سكنية، من أجل القضاء على المناطق العشوائية، مضيفًا: "لو فيه مواطن شغال فى قطاع خاص وعايز يشترى شقة كاش بالإسكان الاجتماعى نوفرها، إنشا الله يكونوا 5 مليون شقة هاعملهم الـ 5مليون شقة".
عدد الردود 0
بواسطة:
مواطن
ثورة تطهير البلاد
كل مواطن يحمل الجنسية المصرية و يعيش داخل مصر يريد ان يعيش عيشه الملوك المرفهة
عدد الردود 0
بواسطة:
الشعب المصرى
22 gesr el suez st
الى رقم 1 و فيه مواطنين عايزين يحسه انهم عايشبن و عايزين يلاءه دوا و اكل ياكلوه لولادهم و مستعدين يعملوا اى حاجة عشان مصر (مش عيشة ملوك زى مانت بتقول) نزل اسعار الاكل و الدواء و الناس مستعدية تعمل اى حاجة لمصر بس الحقيقة ان الناس دلوقتى خلاص مبقتش تقدر تعمل حاجة تفيد بلادها من كتر الغلب الهم فيه و غلاء الاسعار المهول ده و الى كل يوم فيه زيادة دون تراجع للاسعار او دعم للمواطن المصرى الغلبان
عدد الردود 0
بواسطة:
ابراهيم
يا ريس انت والحكومه فى وادى والشعب الغلبان فى وادى تانى
يا ريس الشب غلبان والله نفسه يعيش يرضى حضرتك الاسعار دى لو تقول لنا الاسعار حاتنزل تانى امتى يبقى حانستحمل ولكن ماحدش قايل حاجه والاسعار كل يوم فى الطالع ومافيشش نازل حرام عليكم بجد اتقوا الله فى الشعب الغلبان ده ثوره وعملنا وتفويض وفوضنا نعل ايه تانى نولع فى نفسنا ننتحر يعنى الشعب بينقرض ياريس
عدد الردود 0
بواسطة:
حبيبى يا وطن
............
السيسى رئيسى حفظك الله لشعب مصر العظيم ولك كل التقدير والاحترام من المصريين الواعين بأمور الدنيا وظروف الدولة برجاء النشر
عدد الردود 0
بواسطة:
مواطن
يا ريس. تصريحك يوم 28 ديسمبر 2016 كالأتي.... و أدينا منتظرين يوم 28 يونيو 2017 بفارغ الصبر !
يا ريس. تصريحك يوم 28 ديسمبر 2016 كالأتي: "السيسى لـ"المستثمرين": "اقفوا جنب بلدكم 6 شهور بس والأمور هتبقى أفضل"" و أدينا منتظرين يوم 28 يونيو 2017 بفارغ الصبر !
عدد الردود 0
بواسطة:
المصري
من يبيع ويشتري هو المواطن فنحن السبب واحنا مش نحب بعض ولا بنخاف علي بعض
غلاء الاسعار علي اساس ان اللي بيغلي السعر ده من اسرائيل مش تاجر مصري جاري وجارك وقريبي وقريبك نازلين طحن في بعض محدش بيرحم حد كله نفسه الاهم نفسه والباقي يولع طمع وجشع وسرقه ونهب واكل حرام ( لو ان اهل القري امنوا واتقوا لفتحنا عليهم بركات من السماء والارض ) بس التقوي حنجيبها ازاي وكله عاوز ينتش ويسرق ويتغني ويزيد اللسعار نحن السبب منجبيهاشش في الدوله ونسيب نفسنا بعيد عن الدوله نرحم بعض شهر واحد نحس فيها ببعض نكسب بس معقول بالعدل نكسب بما يرضي الله مش نخبي السلع ونزيد الاسعار والدليل هو العداوه الشديده بين الناس والمعامله بالسؤ والبلطجه ولوي الدراع وكل الاشكال
عدد الردود 0
بواسطة:
المصري افندي
المواطن المصي يعاني... ولكن الانفراجه قادمه بإذن الله...
فخامه الرئيس السيسي... الخير قادم بإذن الله....فلم يكن احد يتصور ونحن في تلك الظروف الاقتصاديه المعروفه للجمبع....ان يتم انجاز هذا القدر الكبير من الطرق ومشاريع الكهرباء وقناه السويس الجديده وقرب الانتهاء من شبح فيروس سيي المدمروالعشوائيات والعاصمه الجديده وغيرها الكثير.... ولا يستطيع انكار مجهود سيادتكم لانقاذ الاقتصاد المصري الا جاحد.. ولكن هناك معوقات واضحه تزيد من التحديات في هذا الجانب الذي لا يلمس المواطن المصري غيره....فكما تعلم سيادتكم كم يعاني المواطن المصري في ظل القرارات الاقتصاديه القاسيه و المتتاليه .... ولكن ثقتنا كبيره في الله ثم سيادتكم في انفراجه قريبه بإذن الله تعيد الاسعار و الاوضاع لافضل مما كانت...... وفي ذلك السياق.... اتقدم باقتراح ارجو ان يجد اهتمام الساده المعاونين لفخامه الرئيس.... تمهيدا لعرضه علي سيادته اذا وجدوا في الاقتراحات جدوي.... اولا: خطه قوميه تحت الرعايه المباشره والشخصيه لفخامه الرئيس تشمل اجراءات ناجزه للتوجيه بفتح جميع المصانع والورش المغلقه في مصر وتذليل كل ما يعوق انتاجها في اقرب فرصه ممكنه......وانشاء اسطول صيد عالمي بأعالي البحار..... وتحليه مياه البحر والتوسع في زراعه الصحراء... ودراسه تشكيل لجنه من الخبرات الدوليه الاجنبيه ذات التجارب العمليه لاداره السياحه في مصر، ووضعها في مكانها الطبيعي بمقدار ما تملكه من امكانيات سياحيه.... ثانيا: الترتيب لاجتماع او اكثر (وليس مؤتمر) لفخامه الرئيس مع الاطراف الفاعله في الاقتصاد المصري والمسئوله عن تحديد الاسعار وهي كبار رجال الاعمال في جميع المجالات واعضاء الغرفه التجاريه بكل شعبها شامله رئيس شعبتي المستوردين والمصدرين والساده وزراء المجموعه الاقتصاديه.... وفخامته قادر بإذن اللله علي الوصول الي سبب مشكله غول الاسعار واحتوائها تماما..... ثالثا: السعي لاتخاذ ما يلزم لتأجيل اجراءات خفض الدعم الي ان تسترد العمله المصريه قيمتها و تنخفض الاسعار حتي لايكون لها تأثير سلبي علي المواطن المصري الذي تحمل اكثر من طاقته ويصعب عليه تحمل المزيد.....خاصه وان مسئولي البنك الدولي صرحوا بأن انخفاض سعر الجنيه المصري بعد التعويم فاق كل حساباتهم و تقديراتهم بكثير....... وهذ سيسهل كثيرا التفاوض معهم... رابعا:..... توجيهات مباشره من السيد الرئيس للحكومه بالتوقف عن زياده اي اعباء علي المواطن الذي لم يعد يتحمل اي معاناه جديده......وتفعيل الرقابه الصارمه علي السوق والتوسع في السوق الحكوميه الموازيه لعرض السلع والخدمات باقل الاسعار كمنافس للقطاع الخاص واجباره علي تخفيض اسعاره وتكون حلا بديلا عن فرض التسعيره الجبريه..... خامسا:... وهذا هو الاهم..... مصر هي الدوله الوحيده التي تحارب الارهاب بمفردها ... نيابه عن الدول العربيه والعالم.... وتدفع ضريبه ذلك من ارواح شبابها الاطهار وكذلك اقتصادها......والذي اثر سلبيا علي المواطن المصري.... الغني منهم والفقير.... لذلك وجب علي دول العالم خاصه الدول العربيه الشقيقه وضع مشروع لدعم مصر علي غرار مشروع مارشال الاقتصادي بعد انتهاء الحرب العالمية الثانية.... الذي وضعه الجنرال جورج مارشال وزير الخارجية الأميركي... وقد ساهمت أموال هذا المشروع في إعادة اعمار وتشغيل الاقتصاد والمصانع الاوربية...... ارجوا ان تجد تلك الاقتراحات اهتمام الساده معاوني فخامه الرئيس... المنقذ والملاذ..... ونسأل الله سبحانه وتعالي التوفيق
عدد الردود 0
بواسطة:
وليد
رجل محترم
قول الحق الفاصل ان هذا الرجل كان يستطيع ان يمشى على نهج مبارك و تصل شعبيته الى السماء و يرحل و الجميع يدعى له لكن سنصل الى نقطة تزيد الديون عن الحد الامن و يرفض الجميع اقراض مصر و سيكون الافلاس النتيجة الحتمية و ربما تحدث مجاعة ، فما يفعله الان هو الدواء المر الذى لابد منه
عدد الردود 0
بواسطة:
ابويوسف
ربنا يوفقك وربنا يصبرنا على الغلاء
الله يوفقك يا ريس يعيننا علي تحمل الفتره الصعبه دي
عدد الردود 0
بواسطة:
محمود بانجو
التجار الجشعين هما اللى غرقوا الجنيه وعوموا الدولار
يجب على الشعب المصرى ان يمسك بالسيسى باديه وسنانه. الراجل ده مش هيتعوض