"اتحسدتي.. ملحقتش افرح بيكي"، بكلمات حزينة نعى شاب من محافظة الشرقية زوجته الشابة التي توفيت بعد أشهر من الزواج، هي والأجنة الثلاثة بعد ولادة مبكرة في الشهر الثامن وتعرض الأم لمضاعفات وتسمم الحمل، الأمر الذي حول صفحات التواصل الاجتماعي إلى سرادق عزاء الفقيدة والدعاء له بالصبر.
ونشر علي عز 25 سنة من قرية النخاس بالزقازيق، منشورا عبر صفحته الشخصية على الفيس بوك، ينعي "جهاد" الحاصلة على بكالوريوس التجارة، قائلا "إن لله وإن اليه راجعون زوجتي وأولادي في ذمه الله، ربنا يرحمك ويغفرلك يا حبيبتي وجعتيني وكسرتيني.. ملحقتش افرح بيكي ولا بولادنا التلاتة اللي في بطنك اللي كان فاضل ليهم شهر ونفرح بيهم وتمسكيهم بإيدك كان نفسك تفرحي بيهم وكنتي بتترجيهم من الدنيا".
وأضاف: ربنا يرحمك ويغفرلك يا حبيبتي. روحتي وراحو معاكي وأخدتي فرحه البيت كله هنا وهناك ياحبيبتي. تعبتي كتير وتوجعتي وشوفتي اللي محدش شافه ومفرحتيش بحملك وروحتي بولادك اتحسدتي. ربنا يرحمك بحق التعب والعذاب اللي شوفتيه وعوضي على الله. راحت شهيدة إن شاء الله. وربنا يجمعني بيكو على خير.
وتابع : ربنا يصبرني على فراقك في قلبي نااااار. كل ما بيعدي ساعه على الغياب النار بتاكل في قلبي اكتر محدش هيحس بيها غيري. انتو الاربعه تروحو مني في لحظه بين اديا عارف انهم معاكي دلوقت وبتلعبي معاهم فضلتي انك تسبينا كلنا وتحافظي عليهم ولما قولتلك لو تعبينك نزليهم وربنا يعوضنا قولتي لا كفايه ان بحس بيهم لنعيش سوا لنموت سوا. بس الحمد لله وان لله وان اليه راجعون ادعولها بالرحمة.
.jpg "الزوج والزوجة (1)")
الزوج والزوجة (1)
.jpg "الزوج والزوجة (2)")
الزوج والزوجة (2)
.jpg "الزوج والزوجة (3)")
الزوج والزوجة (3)
.jpg "الزوج والزوجة (4)")
الزوج والزوجة (4)
.jpg "الزوج والزوجة (5)")
الزوج والزوجة (5)
.jpg "الزوج والزوجة (6)")
الزوج والزوجة (6)
