كشف برنامج "راجل و2 ستات" المذاع على قناة on، تقديم الإعلامية شريهان أبو الحسن، والفنانة هيدى كرم والفنان سامح حسين، الفرق بين الوقت الحالى والتسعينيات، وأساسيات مهمة لازم كل أب وأم للتعامل مع المراهقين.
وعلقت الفنانة هيدى كرم: "التكنولوجيا عملت طفرة كبيرة فى الوقت الحالى عن فترة التسعينات.. حاجات كتير جدا اتغيرت من الوقت الماضى والوقت الحالى.. وكان شعرى كبير وتخينة.. وعندى كان 14 سنة قومت كحلت عينى بكحل كبير جدا بعد ما عملت عملية تصحيح نظر وبطلت البس النظارة.. وكنت بعمل كوكتيل أغانى من الراديو".
وعلقت الإعلامية شريهان أبو الحسن: "كنت فى فترة التسعينات كنت صغيرة فى فترة الاعدادى.. وفترة مضطربين فى المستوى النفسى والهرمونات.. وكل فترة المراهقة فى الوقت ده.. وبتقلد كتير من أصحابى.. ومكنتش أحط ماكياج".
وعلق الفنان سامح حسين: "كنت بروح أفصل بناطيل الشبح.. وكان القماش متر وربع.. والقميص كان بنحطله لياقة زيادة".
كشفت الإعلامية شريهان أبو الحسن، عن كيفية التعامل مع الأبناء فى مرحلة المراهقة.
وقالت شيري: " هناك دراسة تكشف عن كيفية التعامل مع المراهقين، ولابد من الأهل العمل على حسن التعامل مع المراهق وحل مشاكله.. وكذلك لابد من تعلم المراهق عندما يخطئ أن يقرر على عقاب يحاسب به على عقابه.. مفيش عقاب بدنى على الإطلاق.. وهناك أساسيات لابد أن تأسس له قبل نقاشك مع مراهق.. لابد من مناقشة الخطأ الأول ولابد من إعادة تعريف الخطأ وما هو الصح.. ولو عاوز توجه له عقاب لابد من اختيار العقاب ده هيكون ازاى.. واديله فرصة لاختيار العقاب.. ديما تحسس المراهق وعدم القدرة على فقد الأمل.. وقد يكون العقاب من إيجابى فى الوقت نفسه.. ومش تعاقبه عقوبتين لابد من عقوبة واحدة فقط عشان تبقى حبل المحبة مفتوح".
وعلق الفنان سامح حسين: " المراهق قدام الاهل حاضر ونعم وبرة هو حاجة تانى خالص.. واللى مش عاوز يتعب فى التربية ميخلفش.. ولازم يبقى فيه صرامة شديدة وحزم فى هذه الفترة.. والعقاب مش جسدى خالص.. ولازم المراهق هو اللى يحكى ليا كل التفاصيل اللى عملها فى اليوم".
وعلقت الفنانة هيدى كرم، : " ابنى اديته حرية، وشكل العلاقة فيه احترام شديد وبطلت أقول كلام سخيف.. وبقيت اتكلم بهدوء وبأدب وأخلاق.. ولو رد بأسلوب من غير أدب بقوله لو هتزعلنى قدام الناس هزعلك قدام الناس.. وأكتر حاجة بتزعل كلمة هتزعلنى قدام الناس هزعلك قدام الناس".
تم أضافة تعليقك سوف يظهر بعد المراجعة